أسيرة أنا ليكم ... الشاعرة .. بتول العتربي

أسيرة أنا ليكم
عاشقة أغانيكم
فى الفرح باجيكم
تحيوا القلب والروح

يا سنين معدية
حاملة الأسى ليه
فى جراحى مكوية
محتاجة حنية
إن جه أمل بيروح
وإن يوم حبيب جانى
بيفوتنى من تانى
أشكى لحرمانى
وأبكى فى كتمانى
قلبى صبح مدبوح
فى الروحة والجاية
تبقى الحياة سارية
وأنا فيها مش دارية
أصل الفؤاد مجروح
راح أقولها من تانى
ح أتحدى لزمانى
وح أطير بوجدانى
زى طيور الدوح
#بتول العتربى

٩