سجال مشترك .. الشاعرة .. إيمان ذهنى .. الشاعرة .. حنان الشامى

سجال مشترك بين كلاً من
سفيرة المحبة : الاديبة والشاعرة : إيمان ذهني Iman Zohni
والإعلامية الشاعرة : حنان خلف " حنان الشامي "
إخراج Waleed Elmasry
_____&______

حنان ..
الحزن ساكن بالٱلم طول السنين ..
عايش وحيد وسط الجراح مالين ٱنين
حتى الحروف دابت وتاهت ف السطور .
لسه بتكتب حزنها زى البحور
إيمان ....
عندى امل ان القلم يكتب حروف
فيها السعادة والهناا من غير كسوف
قولى لحبره ينكسف وبلاش ملام
يكتب حروفه بالفرح من غير خصام
حنان ..
تعب القلم من كتر همه م اللى كان
بكت عيونه وغرقت كل البيبان .
حتى الحطان اتكلمت م الٱلام
شهد عليها الزمن .... صرخت كلام .
إيمان ....
عيشي الأمل ... وانسى الهموم
وأنسى مشاكل كل يوم
وأوعى تطاطى للزمن
خالى حزنك ذكريات
وانسى أى هم فات
وتعالى نضحك من جديد
ونخلى افراحنا ف عيد
حنان ...
طب رجعى كل السنين
شيلى الجراح وبدليها بالحنين
دا القلب داب من كتر جرحه ... بات عليل
والعقل تاااه بالفكر داب
وياااا السنين .
إيمان ...
ممكن نرجع السنين .... بفرحنا .
ونخلى أيامنا اللى جاية
لون قلبنا
عيشى حياتك من جديد
ابتدى عامك سعيد
ارسمى الفرحة ف قلبك
حبى نفسك ...
طلعى الحب اللى فيكى
خالى احساسك ماليكى
حنان ..
جيبى طبيب يطوى الجراح
يقدر يرجع اللى ... راح
يقفل بيبان الذكريات
يمحى جروح حب فات
ياخد معاااه كل الٱهااات
إيمان ...
إحنا سوااا مع بعضنا
نقدر نغير نفسنا
بإيمانا نضحك للحياة
ونعيش في جنة ربناااا
نعيش ف جنة ربناااا
حنان ...
الله على طيبة قلوب
لما تحقق حلمها
والحزن بخيوطه يدوب
والبسمه تسكن عشها
إيمان ...
الله على روح الإيمان
لما سكن قلبك حنان
خلى الهموم اتبدلت بكتير
امال
خلى الهموم اتبدلت بكتير
أمال
حنان & إيمان ..
ياللا سواااا مع بعضنا
نزيل ألامنا وهمنا
بإيمانا نضحك للحياة
ونعيش ف جنة ربناااا