يامعلمنى بفن حروفك .. بقلمى/راوية حسن

يامعلمنى بفن حروفك
كل كلامك لمابشوفك
يجى لعندى ويكلمنى
ويخلينى من تانى بشوفك
شوفتك تانى بشكل جديد
خلا حياتى زى العيد
وانامهما اقول ولا اعيد
مش راح اوفيك حقك
اصله الحب عليا جديد
طمن قلبى وفرح عينى
وكل العالم عندى سعيد
يااللى كلامك كله غنواى
لما تقوله قلبى يغنى
اصل انت على حبى ناوى
وانا مالفرحه الكون مايساعنى
جاى تقولى كلام م الغالى
فتح وردى وفاح له عطره
لما شاف منك اغلى امالى
ايه خلانى اصدق منك
كل كلامك ليا حكاوى
وانا بسمع لك واطمن لك
اصلك انت على حبى ناوى
قلت خلاص وصالحنى زمانى
بعتك ليه تاخد بايديا
وتودينى لدنية قلبك
انت كمان اللى وصفهالى...
دنيا حلوه فيها كام غنوه
انت ساعتها غنيتهالى
=================
بقلمى/راوية حسن

أعجبني

تعليقمشاركة

التعليقات

اكتب تعليقًا...