الحياة مش ملك واحد
مش ح أقول أنسى اللي فات
وإن باقي ذكريات
ذكريات بتقولي مالك
لسه ياما كتير حاجات
قلت فين ما أنا لسه أهوهه
بانكسر وأشكي الآهات
كان زمان الضحكة حلوة
كان زمان في كتير ساعات
عشنا فيها كلمة كلمة
كات حروفها تدوب شوية
زي سكر النبات
المواجع تاركة فينا
بصمة أقسى م الممات
عمر عدى مر بينا
واحنا بنضيع من سكات
فين طريق الجنة لينا
فين حلاوة الذكريات
كنا قرية أو مدينة
ضاعوا منا في فيديوهات
والغريبة مين يقولك
وأنت مالك باللي آت
بكرة يعني أنسى نفسي
ولا أعيش أنا بالفتات
الحياة مش ملك واحد
ولا هي ممنوعات
حق ذاتي أرضى ليها
كل أشكال السعادة
ولا نصبح مومياوات
#بتول العتربي#
ليست هناك تعليقات:
إرسال تعليق