الأبالسه..من كلماتى.. انا عـــــــــــــــــــــــــــــــــــادل داود.
التهمه. إنك طيب من الطيبين وابن حلال وطلبنا تبقى.شمال
تقول على الحق باطل والباطل حق. تبقى حبيبنا وعال العال
بنعلمك إن الطيبه عبط والمسجون بيكسر زلط وعذابه خيال
خليك معانا تنول رضانا محدش هيقدر علينا إحنا قوى إتقال
واحنا مسيطرين على العالم معانا لقيس ولليث وقد.... جبال
الأبالسه...ـــــــــــــــــــــــــــــــــــــــــــــــــــــــــــــــــــــــــ
معانا لوسيفر وبلعزبول أى حد بتاع شرف.ودين...... هندمره
إحنا ملينا الأرض حروب ومنعنا العاصى يتوب....... وبنكسره
إحنا ملوك الدنياوالبشر عندنا عبيد والجن إحنا اللى بنحضره
تطيعنا ف أفكارنا نحبك تعصانا هنضيعك وجسمك... هننشره
الأبالسه.. ــــــــــــــــــــــــــــــــــــــــــــــــــــــــــــــــــــــــــــــ
أنت صادق والكذب شريعتنا والنفاق ملتنا كده....... منحبكش
عندك أخلاق مع الخير ف سباق هنسجنك. وكمان منعرفكش
لوبتجبر الخواطر مش هتبقى شاطر أى حقوق ليك... ملكش
تبقى عميل فساد وتهدم العباد نحبك تترقى..... وماانعذبكش
الأبالسه..ـــــــــــــــــــــــــــــــــــــــــــــــــــــــــــــــــــــــــــــ
لوانت أمين مش حرامى مش هتبقى إعلامى ولاتنول رضانا
عايزينك قوى تقتل وتجرح وتظلم هنحميك وهتبقى... معانا
بنلعب كل الألاعيب فينا عقرب وديب والكل بيخطب... هوانا
هتسوق الفضيلة مش الرزيلة يبقى تشيلنا من دماغك تنسانا
كلماتى
عــــــــــــــــــــــــــــــــــــــــــــــــــــــادل داود.....
ليست هناك تعليقات:
إرسال تعليق