صابر من كلماتى... أناعـــــــــــــــــــــــــــــــــادل داود...
صابر وصبرت وهصبر كمان وكمان صابر وانا كلى....... إيمان
الكل أذانى وجابنى وودانى على نار هاديه وسوانى.. وتعبان
كان بإيديه إيه وهبكى على إيه ولا إيه شكوتى بس للرحمان
عشت محروم م الحنيه كنت ضحيه وتاه منى ياناس العنوان
صابر....
على أقرب قريب منه النحيب عذبنى وفى بحور الهم. رمانى
على جار جار عليا وغلط فيا وعلى صديق طماع....... وأنانى
على زميل جاحد حاسد حاقد بيشوه صورتى وللظلم ورانى
ربنا موجود فوق الوجود رب الجود من نهايات سوده رعانى
صابر...
ومش معترض ولا جازع على قدر ولاعلى القسمه والمقسوم
رغم ألمى وحزنى بدارى وببتسم ومسلم أمرى للحي القيوم
لكن ساعات بتخدنى منى دموعى على حالى وعلى تل هموم
رغم الكرب ليا رب اللى يوم يزيل جروحى ومش...... هتدوم
صابر....
بمزاجى أو غصب عنى مش هغير قدر والمكتوب..... مكتوب
يمكن بهرع للصلاة أو قراءة القرآن وبحاول كتير...... الهروب
البال مش رايق ولا أنا فايق وانا احسن من غيرى... المنكوب
ناس حالتها أصعب واللى مصبرنى إنى بين الناس... محبوب
كلماتى
عـــــــــــــــــــــــــــــــــــــــــــــــــــــــــــادل داود...
ليست هناك تعليقات:
إرسال تعليق