أنسان ——— بقلم ... شداد دهمان

 شداد دهمان 
 
أنسان
———
والعمر زي البرق
يرمح كما الرهوان
يشرخ ف حلق الزُور
وف قمه الهذيان
أحساس وبنعيشه
بعد اللقا حرمان
فاكريني قال هندم
على عمري بعد أوان
صاحب القرار  يُعدم
ويموت كأنه ما كان
أحساس يخوفني
زماني مش بزمان
بايع  ومش خاين
أنسان ومش أنسان
أنا كل شيئ والعكس
الفرحه والأحزان
راقي  وصابه المس
يا أيها الحيران
عايش حياه الفقد
في زحمه الأحضان
ما أتعس الوحده
ما أتعس الحرمان
ما أتعس الزحمه
بعيد عن الأوطان
أقرب بشر منك
ف الشدّه مش بيبان
كل اللي كان هامك
أنك تعيش أنسان
شداد