صيف شتا (622)
............
كل يوم تطلع بحجه
شكله ناوي أكيد يفارق
كل مره يغيب ويرجع
غصب عنه الظرف طارق
الجميل مش لاقي نفسه
والمدام وسده نفسه
في الشتا دولاب ملابس
جوز لحاف مع بطانيه
حظر شامل منها هي
عشقها غلق المحابس
جاله صيف هيقوم يبلبط
واللي فاته والمشعوط
صدمته مش طايقه نفسي
حر نار وروحي غابت
شهر ماشي إتنين ما أدوقش
إنقذوني فاض ما بيا
أربطوا صواميلي سابت
صيف شتا عملالي ظابط
كله ميري ميري ميري
ما تلوميش إن هد سجنك
شكله فاق ورصاصته صابت
فين ورودك فين شقاوتك
فين دلال الست ظابط
صيف شتا دولاب ملابس
بقلم .. صبري رسلان
ليست هناك تعليقات:
إرسال تعليق