انا الفارس
انا. الفارس بلا جواد
انا القارئ لألف كتاب
انا. العالم انا الجاهل
انا. العابد انا الزاهد
وصاحب قصر لكن بواب
انا المسجون ف زنزانة
بلا جريمة لكنه عقاب
زنزانه في بطن الأرض
واقف عليها ميت سجان
انا. اللي الدنيا خدعتني
ضحكت عليا وسهتني
وخلتني اكون ايوب
وبعد الصبر تركتني
وبعد. الليل طلع له نهار
لقيت نفسي وحداني
سواد اللي دا راح مني
وشيب الشعر غطاني
وبعد ما كنت أنا المظلوم
لقيت نفسي انا الجاني
وبعد ما كان حواليا كتير
لقيت الوحده دي قتلاني
وبعد الفكره جات السكره
عايش وحيد مع أحزاني
وبحسبها شمال و يمين
الاقي التوهه وخداني
لأفكار كدا وحشه
الاقي امامي طاقة نور
مع رحمة كدا رباني
وايد بتطبطب علي كتفي
والأيد التانية حضناني
ارفع ايدي لرب الكون
والدمعة تنزل من عيني
والبسمة ترجع من تاني
بقلم ...
احمد محمود
من ديوان. بنا حروف
ليست هناك تعليقات:
إرسال تعليق