قاضي الغرام &&&&&&&&&&&&&&&&
روحت لقاضي الغرام أشكيله من حالي
قولت ابتليت بالهوى .... قالي وانا مالي
مانا ياما حذرتك ...... وب ويله فكرتك
قولت اني كدرتك ....... ومشيته طوالي
&&&&&&&&&&&&&&
بكيت وقولت إني ... مغرم وقلبي عليل
من يوم فراق خلي داق العذاب والويل
وبدمعي طال ليلي ....... دابت مناديلي
بغني مواويلي ..... وشوقي ليله طويل
&&&&&&&&&&&&&&
القلب ويا العقل .. ف صراع كما عتاولة
والروح بتديله ... 100فرصة ومحاولة
لكن منيش حاسة ....... وياه أمان لسة
قال رفعت الجلسة .... والرأي دا مداولة
&&&&&&&&&&&&&&&
الوقت عدى بطيء وانا قلبي كان بيطب
بتظاهر إني جريء .. مع ان حالي غلب
تايهة ومش حاسة .. فجأة لقيت همسة
بتقولي انا لسة ......... أول وأخر حب
&&&&&&&&&&&&&&&
ولقيته كان هو .... أجمل وأغلى حبيب
وف عيني من جوا ..ضيه اللي مابيغيب
القاضي قال وابتسم . انتم قدر واتحسم
طريق حياة اترسم قسمة وأحلى نصيب
[ رفعت الجلسة ]
ليست هناك تعليقات:
إرسال تعليق