"صرخة أم"
------------------
غيابك طال ياولدي
ليه بس فارقتني
وحياة غلاوتك عندي
ده غيابك هَدِّني
إرجعلي بسرعة ياولدي
واللهِ وحشتني
الدمع مالي عنيا
من قهرة قلبي عليك
وفراقك أثر فيا
نفسى أضمك وارقيك
دى الوحدة صعبة عليا
إرجع ربنا يهديك
إرجع ياولدي لأمك
قلبي مليان أشواق
مقدرش استغنى عنك
وكفاية غياب وفراق
وارجعلي عشان اضمك
أنا حضني إليك مشتاق
غيابك طال ياولدي
ليه بس فارقتني
إرجع بسرعة ياولدي
واللهِ وحشتني
----------------------------
بقلمي،،
م/ محمود الحريري
ليست هناك تعليقات:
إرسال تعليق