(الساكت عن حقو مأثوم)
كلمة بقولا للعموم
وحقها حيكون مهضوم
الشعب العربي حالو إنهد
وعالحكام يا عيب الشوم
الصفعة كانت على الخد
وكل العرب دانوا لهجوم
وقطر إحتفظت بحق الرد
والخازوق فات للزلعوم
وعم تنتظر يوم الغد
والشعب نايم وما بيقوم
لازم يصحى ومن كل بد
وينسى الحلم والهموم
وعالشارع ينزل مشتد
قبل ما يشوف بالظهر نجوم
وعلى العدو بالمثل يرد
والساكت عن حقو مذموم
والأمر يكي تمو يسد
والله بينصر المظلوم
وما يخاف من أيَّا حد
ولا عالكلمة يضل يعوم
وللعدو يكون الند بالند
المخطط عندو مرسوم
ويدافع من قلب وعن جد
ويستشهد وما يكون مهزوم
الخنوع ما حلو هالأد
وهدف العدو صار مفهوم
وللضحايا خلصنا عد
وغزة عليها كل يوم هجوم
والنتن ما بدو يرتد
وعم يتحدى كل القوم
وعم يقضي علينا فرد وفرد
وعم بيبث كتير سموم
تعوا لنقطع هاليد
وعمر المحتل ما بيدوم
والعربي للعربي الإيد نمد
وننصر هالشعب المحروم
وبدل الشوك نزرع ورد
ونبني محبتنا بالود
والساكت عن حقو مأثوم
بقلمي إسحاق قشاقش
ليست هناك تعليقات:
إرسال تعليق