صفي يا قلبي النية
لكل اللي اختار النهاية
خلاص ماعاد فيا
أبكي على قلوب غداره
قدمت ليهم الود و الحنيه
وهما باعوني بكل جدارة
بكره الأيام هتثبت ليهم
إن غدرهم مكنش شطارة
ما أنا كمان أقدر اغدر
لكن متعوتش أكون جزارة
ادبح كل الطبية وابيعها بخسارة
خليك يا قلبي
أحسن منهم وسلم أمرك لله
هو إللي عنده الحساب
ما كل نفس أمارة
صفي يا قلبي النية
و عوض عليا من ايام كلها مرارة
مش كل اللي شافت نفسها في مراية
غزاله الجمال جمال الروح ليه محتارة
وكل من علا صوتة صبح زعيم الحارة
إكسب حب الناس
وبلاش من أقل حاجة تعمل غارة
وارضى بلقسمه لك الله
إحنا مش قاعدين على مغارة
سيب الدنيا للي خلقها واسعى
هو بس اللي له الإدارة
يا عم فوق وعيش الواقع
بلاش تبص لفوق كدا عايز نظارة
الحقيقة حتى لو صعبه
أحسن من وهم بينتهي بحرارة
صفي يا قلبي النية
وبلاش تبكي على ناس
فرموا قلوبهم في العصارة
هقولها لك كدا في آخر العبارة
أوعى تأمن ناس إشترتهم وتخلوا عنك
افتكروا إن قلبك الطيب ....... تجارة
بقلم ..
زينب الرفاعي
ليست هناك تعليقات:
إرسال تعليق