==============- كان ايه فى الروح مستخبى ونما #################@#################
كان ايه فى الروح مستخبى ونما
لما عيونك نورت نجوم السما
لما قلبى شب عن طوقه
بعت رسايل تحكى عن شوقه
كل اللى كتب شعر وعبر
كان صعب يوصف شىء متقدر
احلام مشاعرنا احساس متجدر
مهماكلامنا اتقال واتبعتر
انتى اللى فيكى الشعر يتشطر
زهور تكبر لوحدها وتزهر
لمسات ايديكى تدفى القلب وتصبر
ايه اللى باقى فى سلة الوطن
رغيف مكرمش مقرفص نفسه
مكسوف
وجدار نتدارى فيه من عيون بكسوف
وظن كاذب ان بكره للخير نشوف
ايه اللى باقى
وانت الرخيص فى كل سوق
وانت اللى مدسوس وداسس انفك
تحت وفوق
انت اللى تحتاجك الفؤوس والمقشات
ونايم و عمرك ما بتفوق
ايه اللى باقى لك
الليل وقلة الغموس
وكسرة فى القلب والنفوس
ايه اللى باقى لك
غير شعور جواك ومحبوش
====================محمدعبدالمقصودداود
ليست هناك تعليقات:
إرسال تعليق