حيطان الدنيا
عمرك حسيت انك قاعد
ولا بيك وعليك
وتلاقي حيطان كل الدنيا
بتضيق في عينيك
وكتير تتلاقي اللي راعيتهم
بيعضوا ايديك .!!!!
يومها بتتبرجل حساباتك
والعمر كمان تلقاه فاتك
وحياتك ... تشبه لمماتك
نار ..... ب تسويك .!!!
بتلاقي ظروفك .... و الدنيا
بتلطش فيك
واللي بتقسم وياه اللقمة
فجأة يعاديك
تصرخ وتقول العيب فيهم ؟؟
ولا كان فيك .؟؟
وتشك في نفسك وف روحك
رغم القسوة .. تداوي جروحك
وبتصعب روحك على روحك
تقعد تداديك ..!!!
بتلاقي الطيبة اللي ف قلبك
وصفوها بضعف
واللي حلفلك بالروح حبك
تلقاه في الصف
واللي يغيظك ويزيد غلبك
انك مش طرف
ولا كان لك يد في مشاكلهم
أو يوم روحتلهم تشكيلهم
وبتوصف دايماً .... أشكالهم
بمجاري الصرف ....!!!
بقلم الشاعرة زينب سليم أحمد
ليست هناك تعليقات:
إرسال تعليق