صغير ومغرور
شكون لي سلطك علي يا هاد الطفل
نتسلى ونضحك ونفلت بلا ما نوحل
تجلف حالي كي….. كرمب وبصل
فضيحتي تغنت …. بالجلجال والطبل
فين كنت مخبي ….. هادا زمان وقبل
يما فتشت عليك ….. بالقنديل والفتيل
فرعة شبابي ….. كنت نتمناك ….. مني مايل
قدنا واحد ….. والغرام …. لينا مولم وعاقل
جيتي باطي ….. مغا نسمع اليوم….. غير راه هبل
ولا راه غا يفدي فيه…. الجديد… والبالي …والحايل
كيف نعمل…. وأنا مربوط بيك…. كي الخلاخل
ولا نسهى ونرتاح منك….. ونت الصديد وطرطيق السلاسل
حضورك يفيق….. كل ساكن …..ويهيج المعضل
لاهب عيون الناس…. وغيرتي تدغدغ المفاصل
تساوي الغرور…. والكل فيك….. فاهي وحاصل
تساوم كل حين ضعفي…… ومنك ماني جافل
صغرك ….زينك ….وحلاوتك ….خلوك فن وهايل
العقل يعاقب لحساس….. والقلب بيك حافل
طغيانهم علي هاجم ……قصدهم فيك حاتل
سلوى ولد المهدي
ليست هناك تعليقات:
إرسال تعليق