========- عاشق وخايف من لحظة وداع ==
#####################################
عاشق
وخايف من لحظة وداع جافه
رجليه مش ماسكه ارض
واقف على حافه
باغرق فى شبرين حروف
لما تضيع دفه ورا دفه
عاشق ولابس حلم متوضى
تايه فى سكه كأنى لسه فى اللفة
وعينيكى فيها ضيا مصدى م العتمه
اللون هرب من لونه والصبح بقى ضلمه
والحلم مش قدنا
بس انا عاشق مكلبش حلمه
والدنيا ليه زحمه
وشايل فى صدرى الامانى
وبحلم بيوم رجعه
لسه الشجر باقى كتير نكتب اسامينا
اقطف ورود من جناين خدودك
ونقول حكاوينا
عاشق والدنيا ظلمانى
تاهت مراكبى والشطوط ما حبانى
باكتب فى اشعار واعزف فى الحانى
اعلى صوتى كمان والا انتى سمعانى--
========================محمدعبدالمقصودداود
ليست هناك تعليقات:
إرسال تعليق