الزجال حج هلال في
........ عدى العيد
فات وعدى علينا العيد
بس ماكانش علينا سعيد
مافيش أفراح
وفي غزة جراح
ومر العيد فاهت وبعيد
إزاي أفرح وابقى سعيد
والبس لبس جديد في العيد
وغزة حبيبتي
فيها إبني و بنتي
وأهلي وعيلتي
بين مجروح وجعان وشهيد
ناس بتموت ظلم وجبروت
وناس في الأمة لابسه جديد
وراحوا يباركوا لبعض العيد
وفلسطين والقدس حزين
من طغيان المحتلين
والأقصى بيقول ويعيد
الأعوام بتمر وتزيد
وليه الأمة عني بعيد
ووعد الله واضح وأكيد
بالتحرير من الخنازير
ويكون فعلاً يومها العيد
ويفرح قلبي ويبقى سعيد
بالأناشيد و بالزغاريد
وترجع غزة أرض العزة
وتبقى عمار بنيانها جديد
ويكون عيد عالكل سعيد
...............................
عدى العيد
مع الزجال حج هلال
ليست هناك تعليقات:
إرسال تعليق