( أوصفلك بإيه غرامي )
مين غيرك يستاهل يكون حبيبي
انت اللي اتمنيته من الدنيا نصيبي
ياحبيبي انا اتخلقت ليك وانت إتخلقت ليا
وطول ماانت معايا احتاج إيه تاني من الدنيا
كفايه عليا تفضل جمبي
يامالك روحي وعقلي وقلبي
هواك خلا الدنيا في عنيا جنه
مفروشه بالورد والمسك والحنه
يانغم حياتي وانت مواله
الليله في قربك تساوي عمر بحاله
عرفت معني اللهفه والحنين
لما تجيني واجري عليك وشوقي كإنه سنين
وخوفي عليك غير معني حياتي
مش لاقي كلام اوصفلك بيه غرامي
مين غيرك في هواه دوبني
وأنا بين ايديك وف حضنك حاضني
حاسس اني قبل مااشوفك ماعشتش يوم من عمري
وعمري الحقيقي إبتدا من يوم ماجري حبك في دمي
واحلفلك بحبي افضل بقربك
ما اغيب عن عيونك ثانيه وما اشوف فرحه في بعدك
اسهر الليالي تايه في جمالك وسحر عنيك
وقلبي مايتمني غيرك ولا يشتاق الا ليك
واشوف دايماً ابتسامتك مرسوه علي شفايفك
والفرحه حاسسها في دقات قلبك
وما اشوف دمعه واحده في عنيك
تعذبني وتشغل بالي عليك
خواطر (اشرف الدغيدي)
حقوق النشر محفوظه
ليست هناك تعليقات:
إرسال تعليق