( المسحراتي ) ... الموسم الثالث
الحلقة 30
نعمة المال قبل البنون
كلنا نحبها لدرجة الجنون
اكسب المال ، من درب كله حلال
معجون المال بالسعي و الأشغال
مجهود كبير و يهد أي جبال
من فين مجلوب ..و ف إيه مصروف
يملا الجيوب..بالنار محفوف
شكره ف توزيعه على الفقير
ع الرصيف فارش لنومه حصير
و أكله قمح و ميته م الزير
طلع من المال جزء يبقى زكاه
فرض مقدس بعد فرض صلاه
طاعة و بر ف يد أهل الله
تغير أحوالك لعز و تربح جاه
رحمة لمسكين لما قال الآه
مساعدة يتيم ذلته شكواه
يرجع فؤادك للطف من أواه
بعد ما فكر شيطانك إنه أذاه
و صدق إنه ف طريقه تاه و لقاه
دخل رمضان بعطف ما ننساه
صحح مسار أسعده بهناه
من بحر جوده من جماله سقاه
المال خادم لازم يطيع مولاه
ف الخير و الحق و الصدقة على الأفواه
يا اللي جمعتو الفلوس
و بتنسو أوزارها
دنيا النفوس دي عجيبة
و إزاي نفسرها
و البخل بعده القلوب تبكي من انكسارها
و الجنة و الله جميلة ما أحلى
أنهارها و أنوارها
.....
و رمضاااااان كرررريم
بقلمي/ هاني نبيل الفحل/ أبو رنيم
ليست هناك تعليقات:
إرسال تعليق