قصيده بعنوان/ مهلا رمضان
الشاعر/ عامر عبده عامر مصر
مهلا علينا يا رمضان لسه بدري
ايامك بتعدي بسرعه وبتجري
يا ابو اصل طيب من الاشهر الهجري
***
طول عمرك محبوب لقلبنا
يا زينه شباب شهور السنه
بكل اخلاص ومحبه بودنا
تخليك شويه وعيد عندنا
ولا انت زعلان مننا
اسمك كريم واللي سماك ربنا
***
بيننا وبينك موده واحترام
والشاهد علينا الصيام
سماك الاله كريم
والكريم لا يضام
وعلمنا خير الانام
صيامك يشفي المريض من الالام
***
حلمك شويه وهدي
العجله لا تجيب ولا تودي
العمر كله بيمر ويعدي
***
فيك ليالي عشر
تسعد قلوب البشر
والخير يعم البلاد وينتشر
***
طول السنه في انتظارك وندعي
يا رب العباد رمضان تبلغنا
وجودك بيخلق الادب فينا
تيجي انت تجري وتسيبنا
***
اصطفاك رب العباد ذاته
ونزل في ايامك كل اياته
واحنا بنقول رمضان ببركاته
بيخلي الشيطان ينقطنا بسكاته
ليست هناك تعليقات:
إرسال تعليق