الأن....
خسرتك....
خسرتك بس مش هنساك
وهفضل بردوا صاينه هواك
دلو كان فيه أمل وياك
ماكنتش يوم بقيت ذكرى
ومهما بعدت أنا فاكراك
وكل دقيقة حلوه معاك
هعيد ذكراها من بكره
ياقصة جميلة وحزينه
ياعشره علمت فينا
فضلت سنين بتسعدنا
وأول يوم تبكينا
ياريت ياحبيبى ترجع لى
ياريت العمر بإيدينا
نسيتك ؟ عمرى ما نسيتك
وطول العمر حبيتك
ولما بعدت يوم عنى
فضلت بشوقى مستنى
أمل أو طير يقول راجع
وفجر يقربك مني
أتارى العمر عدا وراح
وراجع طيرى كله جراح
رسم لي في العيون دمعة
وبدل فرحتى بنواح
رجع بيقول لى سامحينا
ياريت العمر بإيدينا
خلاص هتسيبنا للأحزان ؟
نعيش الوحده والحرمان
تعالى فى حضنى ياقلبى
تعالى أوام هنا حنبى
اشوفك لحظة من نفسى
واضمك مرة زى زمان
واعاتبك وانت تسمعنى
واقولك جاى تودعنى؟
وتمشى بعيد وتوجعنى؟
ياواخد روحى منى كمان
واقولك تانى يعنى خلاص؟
فقدنا الطيبة والإخلاص؟
يارتنى اقدر اكون شمعة
تنور لك في كل مكان
فى كل صلاتى بادعيلك
تنول الصفح والغفران
بقلمى هيام الشهاوي
ليست هناك تعليقات:
إرسال تعليق