( بكره تندم علي عملتك )
لسه فاكره كل ليله من لياليك
وكل كلمة حب كنت فكراها حقيقي ليك
مش قادره أنسي حبك
ولا قادره أنسي ظلمك
ليه ياغالي عايز تحرمني منك
وانا مش قادره استغني عنك
وليه تجرحني وتعذبني وانا روحي فيك
دي الليالي في بعدك عذاب ومرار
محتجالك حبيبي والشوق جوايا نار
بس من يوم غدرك وقلبي حزين
ماشاف غير الاهات والأنين
ودقاته بتناديك وبأعلي صرخه
بتقولك ليه سرقت مني الضحكه والفرحه
وانت ياقاسي قاسي وقسوتك معذباني
فين قلبك اللي كان حنين عليا وبيتمناني
ومين غيرك وخدك مني وخلاك تنساني
وإيه حيرك وخلا قلبك يروح لحد تاني
ياللي ظلمت قلبي وجرحت روحي بقسوتك
روح الله يسامحك وبكره هتندم علي عملتك
ومن النهارده خلاص هنسي ايام وليالي عشرتك
وهبطل اشكي وعنيا تاني مش هتبكي
بعد اللي شوفته منك هندم علي حنيتي وطيبتي
وبعد جرحي منك هنساك وعنك تاني هبطل احكي
خواطر ( اشرف الدغيدي )
حقوق النشر محفوظه
ليست هناك تعليقات:
إرسال تعليق