عجبى ....! عبدالمنعم عدلى..مصر

عبدالمنعم عدلى

عجبى ....!
عبدالمنعم عدلى..مصر
عجبى
على أرض
لونها واحد
وطينها واحد
والماء هو هو
نرمى البذرة فيها
ونرعاها ونرويها
والنبته حلوه
والزهور فيها ألوان
تفرح الناظريين
دى وردة بيضه
ودى وردة حمراء
والورقة خضراء
سبحان اللى راعاها
وعجبى
على بطن أم
شايلة جواها
ولد ولابنت
وأحيانا يكون
إثنين والنوع
مش واحد
سبحان من راعاها
عجبى
على بطون
شايله جواها
أحمر بلون الدم
وإسود كعتمه الليل
وأبيض بلون القمر
وسبحان من راعى
وعجيى
على ناس
ماشية فى الدنيا
ومات جواها الإحساس
والقلب أحمر
بلون الغدر
وناس ماشية
فى دنيا الإحساس
وبتقول للحق
رحت فين
وسط الناس
وناس تانيه
ماشية مافيها
عجب ولاإحساس
عجبى على
دنيا الناس
سبحان اللى راعى
ومتحمل قسوة الناس
عجبى على
وفاء الكلاب
اللى راح من
عند الناس
تعال وشوف
يإبن الناس
ياللى إتربيت
فى حجرى
وصدرى ليك
كله حنان
ورضعت لبن
بصفاء وإخلاص
وكبرت حبه
ومشيت على البلاطة
تاتا تاتا
وكبرت وإتزينت
لغيرى وكبرت مخالبك
وأول جرح فى دنيتك
خربشت قلبى
بمخالب الغدر
وكنت فاكر
إنك حبيبى
مش حبيب نفسك
وراح الإحساس
غدار ذى
موج البحر
وملكش أمان
عجبى
على اللى خرب الدار
ومشى بعد ماشبع
أصله إتربى
من أيادى الناس
آاه على الحسرات
اللى روت قلوب الناس
عجبى
من دنيا الفساد
وعابد المال والشيطان
بقلمى عبدالمنعم عدلى