بليل والناس نيام.. بقلم .. ماجدولين ماهر

 

بليل والناس نيام..

والنجمة فى السما

والقمر دار فى الهيام..

استنيت قلبك يجيني..

مش كنت واعدني؟

انام على الكلام..

ويصحى جوه منى

سرب من الأحلام..

بليل والناس نيام..

يمكن نسيت..

وكلام الليل..

فى الصبح راح ضحية..

أو اني مش بالك..

نسيت معنى السلام..

واتقلبت الدنيا..

وبعت مع الحمام..

رسالة مطوية..

بليل والناس نيام..

كان الاسى عنوان

ياقلبى يا سكران..

فوق بقى من الأوهام..

اصحى من الأغنية..

كلماتها بقيت ماسخة..

وحالة ميئوس منها

بليل والناس نيام..

تفوت ليالى كتير..

ماشفت فيها منام

والليل طويل وقاسى..

كقلبك الناسى..

ما يعرف غير أرقام..

بليل والناس نيام..

ووحدى مستنية

ماجدولين ماهر