بوح الصوره
تايه بمشاعري كالطوفان.
بأمواج عاليه كالجبال.
على جزيرة الأحلام.
أسأل سؤال. فين الأمان؟
احسنت
روووووووعة يافنان..
روووووووعة يافنان.. رسمت صورة معبرة بإتقان.
بحروف تايهه بين السطور بتبحث عن إجابة للسؤال ب ١٠٠ سؤال.
عن عمر ضاع بين السنين مافهوش أمان.
ولا حب صادق.
ولا قلب نابض.
ولاصدر ماليان بالحنان.
ولا حلم ماليان بالأمل.
ولا عقل هارب م الجنان.
والصبر كان شراع سفينتك.
لعلك توصل بيه بر الأمان.
سنين وخطت على الوشوش.
عملت خريطة
مالهاش معالم
ولا بوصلة واضحة
لخط الزمان.
فما تسألوش هذا السؤال.
علشان ماحدش عارف اجابته غير الزمان.
عايزنا نرجع بالحلم تانى للبرائة.
قول للزمان ارجع يازمان.
أو ألغي عقلك
وعيش بقلبك
واحضن بروحك
الإطمئنان.
زي زمان.
وانزل وإلعب مع العيال.
واحلم ببكره
يكون أمان.
وإوعه تكبر من جديد
وحافظ على عقلك
م الجناااااااااااااان.
وارجع لحبك بتاع
زمان بنت الجيران.
يمكن تلاقي فيه الأمان.
بقلم ..الشاعر ..فوزي سليم.
/2022 /09 /19
ليست هناك تعليقات:
إرسال تعليق