مخنوووق قوى منها
نفسي أرووق واصفى لها
على طول بتحكى لأمها
كل الحوار حتى الهزار
خمسين مكالمة ع العشا
وزيهم قبل الفطار
والتانية عوجت ضبها ضربالى نار
طول عمري انا وامها قط وفار
فى بينا تار
ممكن تقول تضاد أفكار
عاوزة تلبس بنتها طرحة وخمار
بتقولى عيلتك كلها فسقة وكفار
ونسبكم عار
يااخوانا حد يقولها قبل الخمار
كانت تعلم بنتها معنى الوقار
تقنعها تعبد ربها بحسن الحوار
الدين قناعة ياأمها
مافيهوش اجبار
مابين الزوج والزوجة فى أكيد أسرار
ممنوع تطلع م الأوضة فضيحة وعار
تحكيلها لكن مش كل الحوار
فى نقط وأماكن دخولها ضرب نار
ودى عاوزاها تقولها للإستفسار...!!
طب فين معنى الخمار
العيب في فهمنا لدينا وشرعنا
صحيح الحشمة تهمنا ونربى عليها بنتنا
لكن ياغالية ياامنا الجهل دمار
...... حسنى أمين......
ليست هناك تعليقات:
إرسال تعليق