انا كم رهيب من الاحزان
بتمرد اوي لكن إنسان
انا كم مشاعر جياشه
محبوسه في قهوة فنجان
بشربها ساعات ساده
وساعات سكرها زياده
واهي مره بوش ومن غير وش
ماهي زي الدنيا القلابه
في مراكب شط النسيان
هااعيش الرحله المعُتاده
مع اني فاهم وبستعبط
وبرسم ضحكه من الغليان
جويا الطفل المتغندر
من نظرة خوف بِعيط
ساعت ما بيحبي في قطر
نفاق روحه بتسلسل
رغم الزينه وكم الألوان
وحياة الليل المتعشم
بنجوم الكرة الأرضية
والقمره اللي بتعكس
نورها من غير مابتحسب
حساباتها راح اعيش
الدنيا من غير مااندم
واصاحب يومها سطور الفرح
واطير واغرد من غير جرح
واحب اغاني التواشيح
علي ايه علي نفسي أضيقها
ماهي واسعه ومليان تبريح
والقهوة اظبوطها في فنجانها
ولا أبيت قلبي في يوم مجروح
من احزنها ..........
بقلمي 
شيرين ابوعميرة
شيرين ابوعميرة
ليست هناك تعليقات:
إرسال تعليق