طيور النورس طيور النورس يا بيضه
عجبتى المركبية
الود ودى يا جميله
أعلمك بنية
واسقيقى من
الشهد مايه
واكلك سردينه بإيديا
ياروح الشط دلوقتى
بقيتى رمز البورسعيديه
مع نور الفنار والمينا
عجبتى البمبوطيه
وفى الصباح بتذقذقى
مع صوت السمسميه
طيور النورس يا بيضه
عجبتى المركبية
بتعجبى السياح
فى المينا
بطلعتك البهية
وتطيرى حوالين سفينه
بيضة زيك يا شقية
وساعة رمى الشباك
بتطيرى يا عنيا
خايفه من صياد
يحرمك الحرية
ويجرك فى الشباك
وتروحى وياالسردينه ضحية
طيور النورس يا بيضه
عجبتى المركبية
منى العشرى
ليست هناك تعليقات:
إرسال تعليق