(البلطجة)
بيسال جنابه وبيقولي منين
ياجميل
أنا من مكان يعشق الطبل
والمواويل
ويعشق كمان الرقص واللطم
فى الجبابين
ويقدر كمان السنج وعيال
للمواس شايلين
وبيصنع كمان النبال وديما
للعراك جهازين
عرفتنى ولالسه مافهمت الكلام
ياحزين
اسمع كمان وطرطق ودانك
وحاقولك كلمتين
وضحين
أنا من زقاق لايعرف لاصول
حاجه
يضرب ويشتم ولايخلى للأدب
حاجه
يفرك ويشرب ويبيع الكبير
بقليل
يعد فى النهار والليل على سيرت
اليراح والجاى
يعوج شلاضيمه وينده فين الحجر
والشاي
ولا يعرف يقدر ناس ولايعد كمان
مع ناس
ولا يفرق معاه الحبس ولايلقشى
عليه اللبس
من كتر خوف البشر منه كبر هواه
وزاد السمه
لتعرف تشترى منه ولاتبيعله
غبي لايعترف بناظام
والاسعر
عرفتنى ولالسه يابيه
اكملك والتقيل فى
القعر
لاعات يختشى العاصى ولايخاف من
ولى الأمر
زى المره يردح وللعيون يفقع
وفي العراك
يقلع
وفي السجون يدخل
يقضى مدته ويطلع
لاشفته مره يتاسف ولامره يقول بردوان
ولامره بيحفظ سر
ولايعرف غير أنه يخون
ولا يعطف عاالكبير في السن
ولجرانه كان فى مره يحن
واسمه في الورق
أحمد
واسم الشهره
حمو الجن
كلمات محمد أبوالخير
السوهاجي
ليست هناك تعليقات:
إرسال تعليق