كسبت إيه؟؟؟؟
__________
ليه بتخوني
وانا اللى اديت الأمان
مثلت الدور عليا
بكل إطمئنان
خسارة فيك كلمة صديق
وانا اللى قولت عليك انسان
...........
خسارة حتى ان اعتب عليك
ولا إيدي يوم تتمد ليك
خسارة حتى كلمة سلام
ياللى اخلاصي عندك هان
..........
كسبت ايه من دي الخيانة
دي خيانتك والله وجعانا
ياريت الناس تكون سمعانا
ويعرفوا مين لصحبه خان
............
بكرة الأيام هاتوريني
جزاء لخيانتك ف سنيني
وارتاح لوشفت دا بعيني
وهاتعرف انك خيبان
__________
بقلم الشاعر /رمضان عبدالله أحمد.
ليست هناك تعليقات:
إرسال تعليق