ملكت قلبى
*******
ملكت قلبى ودنيتى
ووهبتك انت محبتى
ياريت تصون لمودتى
وتفرح القلب الحزين
ساعات بحس انك بعيد
والشوق اليك برده يزيد
ولما تقابلنى تقول دا عيد
واشتاق اليك فى كل حين
ملكت قلبى من زمان
ومعاك انا بحس بأمان
يا ابوقلب مليان بالحنان
عوض لى بقا مر السنين
مالك فؤادى وزادنى شوق
لحظة لقاك دايما تروق
وشمس المحبة تزيد شروق
نفرح سوا ونزداد حنين
باشتاق لك وانت جنبى
فى لقاك زاد نبض قلبى
وبأعلى صوت ياحبى
يناديك حبيبى فين
ملكت الشوق بحاله
وفؤادى ايه جراله
الحب لما جاله
نساه كل الانين
وملكت هواك يا عمرى
وقلبك سلمته أمرى
وبعد الهجران وصبرى
عشنا أجمل سنين
ياهوايا ياكل مالى
كان قبلك قلبى خالى
ومش عارف ايه جرالى
مليت قلبى بحنين
ملكت القلب كله
ونسيته اهاته وذله
والعمر بحلوه ومره
حعيشه معاك سنين
ناديت لك بالأمانى
حبى لك شكل تانى
ولا يوم ابعد ثوانى
عن اشواق السنين
تحياتى
Fathy Nada
ليست هناك تعليقات:
إرسال تعليق