أمي .......قولولى مين .........هلال البنا

هلال البنا

.
هلال البنا في
أمي
.......قولولى مين .........
********...........********
قولولى مين زيها
ومين فى طيبة قلبها
دى أمى بس وحدها
ما حد نال فضلها
أمي
.........قولولى مين
فى قلب زى قلبها
وحضن زى حضنها
مين إللى شالنى قدها
وسهر الليالى زيها
أمي
............قولولى مين
والأمهات فى العالمين
نبع الحنان الطيبين
ومهما أقول من غير يمين
هيا العطاء طول السنين
أمي
..................قولولى مين
والأم نعمه م السما
طاعتها رحمه ومرحمه
والعيشه ويا الأم هنا
صدقنى واسألنى أنا
أمي
.................قولولى مين
ضحت بروحها وعمرها
راضيه وترضى ربها
مين إللى يعرف قدرها
هاتولى حد زيها
أمي
.............قولولى مين
الأم بس وحدها
ولادها هما عزها
بناتها كل مجدها
وبيتها هو سترها
أمي
قولولى مين قولولى مين
قولولى مين زيها
أمي
هلال البنا