الْبِسْ فَرْوَة *********** (فنتازيا حلمنتيشي) مايسة إمام

الْبِسْ فَرْوَة
***********
(فنتازيا حلمنتيشي)
بمناسبة عيد الأضحي كل عام وأنتم بخير
*************
رأيت في حلمي مخلوقا
عظيم الشحم والليه
فقلت آتيه محلوقا
فالحلق سنة نبوية
كبر وصل وانحر
البركة دم الأضحية
فقلت لازم أدبح
الأمر حتما مقضيا
جمعت كل أموالي
قَصْقَصْتُ من قوت عيالي
والقصد خير والنية
أن أُوْفِي لله حقا
اطعم فقيرا منسيا
وبكل فخر ومهابة
ذهبت للسوق عشية
أبغي أمتلاك إحداها
فلدي قوة مالية
سيان كبش أم نعجة
ومتاع الصوف هدية
وقفت أشير وأختار
من بين غنم وماشية
أغراني منظر كبش
قرونه كانت ملوية
يسير بين أقرانه
والخطوة غير عادية
الهيبة فوق هامتة
وعيون الليث مخفية
وقلت يابائع هيا
عاوز من الحته دِيَّه
لم يلتفت لوجودي
وقال بكل سخرية
شرفت ياسعادة الباشا
الكيلو منها دي بِمِيَّه
يعمله بالميت يعني
خمسة الآف وِمْعَدْيَّة
بصيت لنفسي وبصيتله
شكلي هكون أنا أُضْحِيَّة
قررت أشوف أنا حقيقتي
واخلع هدومي اللي عليا
وَالْبِسْ أوام فروة وأمأمأ
يمكن يجيب سِعْرِي الْمِيَّه
ضحك وقالي سعادته
علي عيني والله ياعنيا
متجبش تمنك في وسطيهم
ولا فيش زبون ياخدك غِيَّه
أَخْرَكْ تشيل من تحتيهم
لو رضيوا منك مِدَادِيَّة
لملمت أنا حالي ومالي
من غير ولا كلمة تعزية
هروح أشوف حد يرجع
قيمتي اللي صارت منسية
لا عرفت أَمَأْمَأْ وأبقى خروف
ولا أَغَنِي حتي لعدوية
لا حبة فوق ولا حبة تحت
التحت بقى مَرْبَطْ لِيَّا
******************
مايسة إمام

١