. خليك واضح .. بقلم .. هلال البنا

............. خليك واضح
كله واضح زي الشمس
ولا فيه خدعه ولا فيه لبس
والنهار ١٢ ساعه
والليل بكره زي الأمس
والأيام ليل بعده نهار
واللي يعدي ما بيرجعش

كله واضح زي الشمس
ولا فيه خدعه ولا فيه لبس
مابترجعش عقارب الساعه
والساعه مش بتدور بالعكس
والأطفال محتاجه لرضاعه
واللي بيكبر ما برضعش
كله واضح زي الشمس
ولا فيه خدعه ولا فيه لبس
والعاقل يفهم ويحس
والبني آدم روح ونفس
وده مع ده هو الإنسان
مش لعبه و تمثال من جبس
كله واضح زي الشمس
ولا فيه خدعه ولا فيه لبس
في إنسان مش ساعده الحظ
ورزقه قليل مش لاقي القرش
لازم ياخد بالأسباب
مش يستسلم ويقول نحس
كله واضح زي الشمس
ولا فيه خدعه ولا فيه لبس
إياك تستسلم لليأس
وتضحك على نفسك بالغش
قوم واتحرك واذكر ربك
ودق على باب الرزق وخش
كله واضح زي الشمس
ولا فيه خدعه ولا فيه لبس
والحمار مجبول عالطاعه
والميزه فيه مابيفهمش
والحمار لو يفهم ساعه
هايقول عاوز أرجع جحش
كله واضح زي الشمس
ولا فيه خدعه ولا فيه لبس
إيه الفرق بين الحق وبين الغش
الحق واحد ولا ينفعشي نص ونص
ياااااسود يااااابيض
والغشاش والنصاب له ١٠٠وش
كله واضح زي الشمس
ولا فيه خدعه ولا فيه لبس
شوفت القط تديله لقمه مابيخفش
ولو ينتشها يجري يكلها زي اللص
خليك ناصح دغري وواضح
وبلاش تبقى ماشي بالعكس
من غير خدعه ومن غير لبس
خليك واضح زي الشمس
................. خليك واضح
مع تحياتي هلال البنا

أعجبني

تعليقمشاركة

التعليقات

اكتب تعليقًا...