أفهم بقى ..! بقلم .. بتول العتربي

قلبى إللى كان
ملك إيدك
بعته رخيص
وفتنى الله يزيدك
حيرة وقلق وكمان يجف
النبض إللى كان سارى فى وريدك
عندى مبقاش يفرق كتير
لو يوم تحب مش راح أغير
جربت أنا العقل الكبير
وخلاص رسيت إن أبقى طير
وح أروح بعيد
وما ح نلتقى
أفهم بقى
لو حطوا راسى فى مشنقة
أو عذبونى فى محرقة
ساعة اللقى متفرقة
عمرى دا كان لك مايساويش
أملى وبعته لبست ريش
وفت لك كل البيبان
ما أقدرش أعيش ويا الجبان
شايل لى قلبه فى صولجان
وعامل لى منه مهرجان
مين راح تفوز
تعشق كمان
وتقول أغانى بتوع زمان
ياما حاولت أنساك
وأنسى ليالى هواك
وأنسى الجمال إللى شوفته
فى الوجود وياك
# بتول العتربى

٨