من ديوان الأغاني .. لماذا السم أحياني ؟! شعر ..سقراطة الشرق /سياده العزومي عضو اتحاد الكتاب بمصر

من ديوان الأغاني
لماذا السم أحياني ؟!
سقراطة الشرق/سياده
مع الأيام أنا حـَ أنسى

مع الأيام
من الآلام قلبى حـَ يقسى
من الآلام
ويجى بكره ما لاقى ذكرى
تمر فى خيالي كانت معاه
وأقابله فى طريقي
وأقول لرفيقي
الشكل دا
أنا مش فكراه
إدته عمري كله
وفديته بنور عينيا
عشت عمري ليه
وعمري عليه شوية
سكنته جوه قلبي
وغطاه حنين إيديا
ضحكت ليه الدنيا
قلبه جار علييا
ملا بالدمع عمري
واستخسر الهنا فييا
مع الأيام أنا حـَ انسى
مع الأيام
من الآلام قلبى حـَ يقسى
من الآلام
مازلت أغني لكم
دمتم بخير أحبتي
سقراطة الشرق /سياده العزومي
عضو اتحاد الكتاب بمصر

١