خلى بالك ... بقلم .. عبدالمنعم عدلى

خلى بالك
عبدالمنعم عدلى..مصر
خلى بالك خلى بالك
ياابن وياأخويا
وإبن بلدى وجارى
من حبة رمل
فى الصحارى
حافظ عليها
حتى لو شاب
شعر الرأس
خلى بالك خلى بالك
وإحنا بالداخل
نبنى ونعمر
ونزرع صحاريها
وإنت على الحدود
واقف بتحميها
خلى بالك خلى بالك
البلد غالية علينا
والعرض فيها أراضينا
والعلم بيرفرف
على الصارى
فى صحارينا
خلى بالك خلى بالك
والعدا واقف حزين
من بعيد بيبص
على دم سارى
على الرمال
وتنبت زهر غالى
وخلى بالك خلى بالك
على طفل بيرضع
من صدر أمه
بكرا يكبر
ويحمى أراضيها
وآنت فى الشيب
وخلى بالك خلى بالك
إن المحمية محمية
من رب عال
لاملك ولاحارس يحميها
وإنت الفانى فى أراضيها
خلى بالك خلى بالك
بقلمى عبدالمنعم عدلى