لماذا السم أحياني ؟! الشاعرة .. سقراطة الشرق ... سياده العزومي

من ديوان الأغاني
لماذا السم أحياني ؟!
سقرطة الشرق /سياده

مش قادر أقول
إني بحبه
ولا قادر أخبي
عنه حبه
طول ليلي أقول
للشوق قوله
وفي نهاري أخبي
الشوق عنه
مش قادر
لو صدفة مرة قابلته
أسلم من ورا قلبي
وأقول لعيوني يا عيوني
خبي الغرام خبي
وأسهر أكتب مواويل
أنا ونجُوم الليل
على ضيه الجميل
ويديني ألف دليل
قلبه ليا يميل
ومن طبعه الأصيل
يداري عني ويخبي
مش قادر أقول
إني بحبه
ولا قادر أخبي
عنه حبه
إن دَارت عيوني
ملامحي كشفاني
أقول لها داري
تقول لي أه ياني
لا بعده ريحني
ولا قربه شفاني
راح عمري في حبه
عيش قلبي وحداني
لو يعرف مستور قلبي
ويرجع بيا زماني
أنام وأرتاح على صدره
وآنس معاه أشجاني
أشرب من كأس وده
وأقول إسقني تاني
مازلت أغني لكم
دمتم بخير أحبتي
سقراطة الشرق
سياده العزومي
عضو اتحاد الكتاب بمصر

أعجبني

تعليقمشاركة

التعليقات

اكتب تعليقًا...