زعلانه منك يادنيا💔💔💔 راوية حسن

زعلانه منك يادنيا💔💔💔
~~~~~~~~~~~~~~
عايزنها تكون على هوانا
ونطلع كل اللى جوانا
ونعيش فيها بالطول والعرض
ونحقق حلمنا وامالنا
💔💔💔💔💔💔
الدنيا وحنا عاشينها
دايما بنحاول نميلها
لكنها لما بتميل
بتميل علينا بحيلها
💔💔💔💔💔💔
يادنيا ماشيه بتروس
وعلى رقبتنا بدوس
على الفقير الغلبان
والغنى بتزيده فلوس
💔💔💔💔💔💔
يادنيا يامدرسه
وياما اتعلمنا منك
النفوس الكويسه
ياما تعبت اكمنك
بسراحه وبدون زعل
الكل شايل ومعبى
كان نفسى اتعلم الدرس
وارسى على برك
💔💔💔💔💔💔💔
يادنيا ليه تسيبينى زعلان
انا برضو عايش فيكى حيران
نفسى افرحلى مرة يومين
نفسى احس ان انا انسان
💔💔💔💔💔💔💔💔
وقالوا ان الدنيا دنية افراح
الفرح فيها لعندى وراح
الكل عاش فيها واتهنى
وانا لوحدى بجنى جراح
💔💔💔💔💔💔💔
زمان قالوا الدنيا حظوظ
انا عمرى فيها ماكنت محظوظ
الحظ لغاية عندى يحود
ودايما الدنيا مدالى بوز
💔💔💔💔💔💔💔💔
الرحمه منك يازمانى
انا ياما منك وبعانى
ليه دايما بتيجى عليا
والدنيا دايما ملاوعانى
💔💔💔💔💔💔💔
انا عمرى كله احزان
الفرح ماكان له مكان
ياما اتحايلت عليه
قالى لسه مأنش الاوان
💔💔💔💔💔💔💔💔
هى طول عمرها قاسيه
ماشوفتش منها حنيه
وكل اللى معايا فيها
دايما بييجوا عليا
💔💔💔💔💔💔💔
حكتب للدنيا اليوم جواب
لافيه لوم ولا فيه عتاب
بس حقول سيبيلى شويه
نفسى اعيش من غير عذاب
💔💔💔💔💔💔💔💔
راوية حسن

أعجبني

تعليقمشاركة

التعليقات

اكتب تعليقًا...