..قصه شعبنا .. بقلم .. إيهاب السقا

القصه مش قصه سعاد ولّا قصه إمام
القصه..قصه شعبنا
م إحنا مالناش خير ف بعضنا
الناس عايشه فى حالة خصام
الكل باصص لكله
ومفيش حتى سلام
والعيشه المُرّه إللى مخلِيّه
الكل م المغرب،،،ينام
الناس،،سارحه،،، وسهتانه
ومش قادره تِطَلّع من
بوقّها الكلام
العيد قَرّب..والكل عايش
مع نفسه فى انفصام
كله نَفسى،،، نَفسى،،،
والسلام
الشوارع رغم الزحمه،،،هاديه
بعد م كانت مليانه
بالوِد والوئام
الصغير مبيحترمش الكبير
ومبيسمعش،،،الكلام
والكبير الهَمّ مالى فِكرُه
ع الدوام
الله يرحم لما كنا بنحترم بعضنا
وناكل مع بعض كلنا
وعايشين فَرَحنا وحزننا
ونواسى لبعض الآلام
،،،إيهاب السقا،،،

١٢