((*** قال إيه ***)).........فاطمه عبد الشافي

((*** قال إيه ***))
** ** **
قال إيه خلينا إخوات
من إمتي ؟
من بعد مابقى بينا حاجات
وإشمعني ؟
دلوقتي بقى بالذات.....
عايزنا نبقى ياعمري إخوات
#إلا قولي#
حقيقي دا ولا حكايات
هو اللى بينا هيموت فى ساعات
دى حكايه ياعمري ولا فى الروايات
أناكنت قبلك قطه مغمضه
ولاعمر الحب علي قلبي فات
طول عمري قلبي
عايش فى سكات
جاي دلوقتي بتقولي
خلينا إخوات
علمت قلبي يسهر الليل
ويغني كتير أجمل مواويل
وتقولى تعالي يلا ياجميل
دا انا قلبي إليك ديما بيميل
وف كل الكون مالكش مثيل
ولا يمكن يوم يكون في بديل
دلوقتي هنبقى ياعمري إخوات
نستني روحي وحياتي
وحلمت بيك تبقى الأتي
شربتني مر كساتي
دلوقتي بتقولي مراتي
دى هيا حبيبتي وحيااااتي
وغيرها ماليا ياستي سبيل
قولي إحكيلي بالتفصيل
عايزه أعرف منك يلاياجميل
كنت ليه ليا بتميل
ولزمتها إيه كتر المواويل
فاااااااكر
كنت ليك ديما بصد
وعلى كلامك كمان ماارد
وبعد مابقى بينا ود
دلوقتي جاي تقولي البعد
قولى مين فينا الجاني
ومين اللى عمره أناني
ومين اللى جابني وداني
وسايبني دلوقتي أعاني
وسبنى كدا فى وسط طريق
وحاسه إنى فى بحر غريق
تايهه فيه ديما وما افيق
وعدى يوم والتاني
وابص لقيته جاي تاني
قاعد كتير يترجاني
يقولي حياتي من غيرك
حاجات كتير نقصاني
والوحده كمان تعباني
مين بقى يبقى الجاني
يارب الكون إيه أعمل
من غيره مش قادره أكمل
واقول لمين شكوتي
وبعاده مش قادره أتحمل
هعيش لوحدي يااااغربتي
وهكمل وحدى سكتي
وأعيش لوحدى فى دنيتي
................................................فاطمه عبد الشافي

١٥ تعليق

١١