العولمة .. بتول العتربى

العولمة
أناالضرير يا أهل الحما
والأرض شاهدة والسما
كانت قلوب متبسما
املة فى ساعات مبلسما
أنا الضرير
ما عدت شايف م العمى
واسمعها منى وقول كمان
يمكن يقولوا عليك جبان
أو ألعوبان
داير تشاكس فى الجيران
وأنت ولا تدرى ولا بايديك إنما
كل المعانى اتبدلت واتحولت
مبقتش أنا
وأبص على حالى إللى كان
راضى بعيشتى من زمان
اللقمة كانت طيبة
والعيشة حلوة غريبة
فى أيام قليلة قريبة
صبح المكان غير المكان
واتقفلت بينا البيبان
واحترت أنا
فين إللى كان ساكن حينا
ممكن أشوفه من بعيد
لكن أكيد
احنا مانعرف بعضنا
كل الحكاوى الممكنة
فجأة وضاعت مننا
ياهمنا
ضعنا فى دنيا العولمة
وبقيت أنا
أنا الضرير يا أهل الحما
بتول العتربى

٣ تعليق

٢