( ارجع لربك) >>> كلمات مجدي فرحات

( ارجع لربك)
انا مش أول حد إنجرح
ولاحلمي اول حلم يموت
دا ياما الحزن لغيري طرح
آهات خوف وجراح موت
-
أنا ياما عشت ليالي فرح
والرقص بلدي وبالنبوت
أد الزمان ما فيا آه جرح
بأداوي جرحي بسكوت
-
الدنيا ياما ورتني العجب
و ياما جارحه ياما قلوب
و معلهاش ملام ولا عتب
سكه و ماشينها بالمقلوب
-
يا ابن والدي بكل أدب
إرضى دايما بالمقسوم
بايه هيفيد بس العتب
ومين فينا مش مظلوم
-
العمر وعلينا محسوب
ليه نعيشه ليه في ندم
نصبح نبات آه بذنوب
يا بخت فيها من سلم
-
أرجع لربك الحي القيوم
بصلاتك وذكرك هتدوب
أي ذنوب وأي أي هموم
بالحمد والشكر هتطيب
-
من كل حزن فيك جرح
وتبقا في الدنيا مبخوت
دربك هنا وسرور وفرح
تنورحياتك وتبقا مبسوط
-
( أرجع لربك )
كلمات
مجدي فرحات