ايه ياهدير ...........زجل . بقلم عبير الشبرامنتي

ايه ياهدير
............ بقلم عبير الشبرامنتي
مالك رافضه للتغير
كل عريس يجيلك رفضه
هتفضلي طول عمرك
هبله وخايبه

ايه ياهدير
.................
ذنبي انا ايه لازقه في كومي
زيده ارفي وزهقي وهمي
ايه ياهدير
............ ..
ماله محمد كان غلبان
طيب ومؤدب وفنان
كان هيجبلك سفرة ونيش
وكمان ميكب ارتست
هتنضف وشك بالورنيش
عايزة تتجوزي ايه سفير
نفسي اكسر وراكي زير
واغير عنوان الشقه
واحط عليها خفير
ايه ياهدير
...............
لاجل تروحي مترجعيش
واقفل وراكي مليون شيش
لا ياماما عايزة روش
يتضحك حبه يرقص حبه
طيب ده يعتمد عليه ياهبله
ايه ياهدير
..............
جالنا الروش الجنتل ياني
اللي بيرقص في الافراح
لا ياماما ماشي مع سماح
ارحمني ياربي
ايه ياهدير
............ .
اطبخي يااختي
اه ياضوفري
مالها ياحلوة
تتأصف مني
قطعي بصل
اه ياعنيه
ماله ياحلوة
يوجعلي ايديه
يلا ياهدير
انشري الغسيل
الشمس ياماما
بشرتي عايزة مزيل
ايه ياهدير