كان ليا قلب ..! شعر .. بتول عبد المعز ..

نفس الجواب
كان ليا قلب
عاش بالحنين
قضى السنين
ينتظر
وفى لحظة سادت
بالشجون
والتقت فيها العيون
أصبح دا هايم
وكان فاكره حلم
يمكن يفوق
وكان مدارى نفسه
جوه الشقوق
لكن دا كان واقع أكيد
شاف الحبيب
ومعاه حلاوة الدنيا
كانت تزيد
وشموع حياته لما تقيد
يفرح بقلبه وينشرح
ويعيش بفرحة يوم جديد
لكن الحكاية ما انتهتش
فى حدود زمانه ما انطوتش
الكل قال دا شئ محال
وكان لى فيه مليون سؤال
إزاى نقول وإزاى تطول
الحكاية المزهلة
من كام سنة
كان اتقفل فيها الكتاب
والإنسحاب كان هو كل المسألة
وعشان محال
وعشان دا كله فى الخيال
أنا لسه ما جاوبت السؤال
لكن بقلبى
العقل مال والفكر قال
اخترت أنا نفس الجواب
#بتول عبد المعز

أعجبني

تعليقمشاركة

1