نفسى اعيش ...! بقلم .. راوية حسن ..

انت لما جيت فى بالى
ورسمتك فى خيالى
كنت عايزه صوره حلوه
ورسمتها انا بخيالى
صوره حبيتها بكيانى
واتمنينك انت تانى
تيجى وتاخد بايدى
من حنانك تقلى زيدى
وتقرب الاحلام ببالى
اصل انت فى خيالى
بكره الواقع واشوفه
قيد مسيطر عليا خوفه
نفسى اخلص من مخاوفى
والاقى حبك مكفى
تبعت الامان فى صفى
حتى ولو خيال موافقه
نفسى اهرب من ظنونى
والاحباب اللى خانونى
نفسى انسى يوم جنونى
من حياة كانت سخيفه
ولما نام واقوم من نومى
القى حد تانى جنبى
يكون حاسسنى يكون شايفنى
مش مهم يكون خيالى
بس ده ملك خيالى
انا صنعته بقلبى وبخيالى
حد يجاوب عن سؤالى
ليه وصلت بيا الحياه
انى رافضه حتى عيشتى
لاء مش هى دى القضيه
طول عمرى وانا مضحيه
نفسي حد يحس بيه
يشوف الدمع فى عنيه
يصالح قلبى ع الدنيا
انا تعبت منك يادنيا
بلاش تيجى كتير عليه
سيبى لى من الفرح شويه
اعيشه بقلبى وعنيه
ويكون خيالى معايا
نفسى اعيش ويا خيالى
واخلص من قساوة الدنيا
طول عمرها جايه عليه
وحرمانى من الحنيه
ياما دورت عليك
دور انت يوم عليه
وانا نفسى اكون وياك
بقلبى وروحى وعنيه
................
بقلم ... راوية حسن ..

أعجبني

تعليقمشاركة

التعليقات

اكتب تعليقًا...