عاشق ولى محبوب ... بقلم .. بتول عبد المعز ..

فايت على حيكم
قابلتنى جنية
بتدوب فى حبكم
والعشق دا غية
يا رب سهل لعبيد
مليانة حنية
تدوق كاسات الهوى
وتحسن النية
وتفوت واحنا سوا
عايمة على المية

مكتوب جوه القلوب
عاشق ولى محبوب
فى هواكى المسلوب
مستنى أنا المطلوب
ويلبى يا عينية
فايتانى فايتانى
وح أقول إيه تانى
وعينيكى وحشانى
والحرقة كاويانى
ما تلينى بقى شوية
سبق لى شوفت كتير
فى هواكى طاروا طير
سابقوا سوا المراسيل
حطوا فى قلب الليل
يصطادوا بنية
والمشكلة إنى
تايه ومستنى
ألقى طريق الأمل
تحلى الحياة لية
ونعوض الأيام
ونحقق الأحلام
نمشى بقى لأدام
ماتيالله يا بنية
#بتول عبد المعز

أعجبنيعرض مزيد من التفاعلات

تعليقمشاركة

التعليقات

اكتب تعليقًا...