هناء .. ( سيدة القصر ) ..

( سيدة القصر ) ..
إسمي المكتوب أعلاه
فيما يبدو لمين يقراه
إني أميره من مغزاه
صاحبة سلطه وجاه
ساكنه قصر وملكاه
وعمري ما قولت الأه
ومين يعرفني ياهناه
(وكل يغني على ليلاه)
لكن حقيقه معناه..!!!
ف نقطه ومن اول السطر

أنا الصبر من صبري صبر
نادى ياسيدتي ونظر
سألني.. مين القمر ؟!
ايه اسمك بالكامل؟؟
قولت أنا بالمختصر
(هناء) سيدة القصر
أي أمر ؟!!!!
دعى ما يأمرك ظالم
ولا ينوبك قهر
انتي قريبه ايوب؟!
لاء..صابره ع المكتوب
وصلاتي زينتي والعطر
صاح انا المغلوووب
وخر ادامي وسكر
..ومره الصعب عليا قدر
غمى عينيا وغدر
هد عزيمتي
قصقص ريشتي
دق ناقوس الخطر
..لكن ربنا ستر
والخير ع الشر إنتصر
والايام بالحلو والمر
بتقوم وتعدي وتمر
والغيمه طرحت مطر
عشان مؤمنه بالله
وراضيه بالنصيب والقدر
...أما القصر!!!!
على سبيل الحصر
ده برج حمام لكن
جواه الامان ساكن
وحيطانه ضد الكسر
مليان دفا وحنان
يحضنه الحمام وينام
بكل عزه وفخر
شبابيكه نور وورود
بيبانه الكرم والجود
مفروش رضا بالموجود
يكفي المكان والدهر
..ده إسمي وسكني وفكري
وملامحي اللي شاخت بدري
غنيتهم بكاام موال
على دف وربابه متقال
حد عنده تانى سؤال؟!!!!
... ... ... ... ... ... ... سيدة القصر

أعجبنيعرض مزيد من التفاعلات

تعليقمشاركة

التعليقات