يسعد مساكم..
اتسائل هل ياترى لو نشرت شعر شعبي باللهجة العراقية سيسهل عليكم قراءتها كما انا متمرسة بقراءة حروفكم بلهجتكم الشعبية 
بصراحة لااحب أن يفوتني شرف التجربة 
بصراحة لااحب أن يفوتني شرف التجربة شعر شعبي...
(تناقضات)
يامشراگة شمس وگليبي صفنة ليل
فز بيّه الصبح من شفتك وهلهل...
رغم موسم عرفتك من مواسم صيف
عشرتك مو طويله بساع تتململ
شتلتك بالگلب هديت معبر ماي
من عيني وسكيتك خاف تتهدل
من عودك قوه وورداته شمخن فوگ
حشيت الگلب جازيته بالمنجل
ياكتر الاصدله وروحي كلها جروح
مثل گاع الشواطي ترابها مبلل
شعذرك ياشلب وتريدلك طوفان
غرگانه السواجي وانت تدلل
تمنيت الگلب عاگول خاطر شوج
يشرب من دمعته بهجرك ويدحل
وتمنيت انه اعوفك وانسه طاري اهواك
مثل ماجافي گلبك عني مايسال
عجيبه الروح تنشد بس على التهواه
لون شافت مصايب منه تتحمل
واليهواها تجفي لو هداها الكون
روحي بالعشگ ماتقبل المبدل
مِثْل النحلة خلك والعشك وردات
عندي الحب قضية وحاشا يتبدل
ليست هناك تعليقات:
إرسال تعليق